கடலோடி: (தொடர்ச்சி….)

மயிர்சிலிர்த்தான் அவன்
மரங்கள் அதிர
மடக்கி வளைத்தான்
மேலெழும்ப தன்வாலை
ஸத்வ வீரியத்தை வளர்த்து
ஸத்தியம் வெல்ல பிராத்தித்து
ஸகலமும் அவனானான்
ஸுகமாய் ராமனை நினைத்து

கடலோடி: (தொடர்ச்சி….)

அதிசயத்தைக் காண
அடங்காகூட்டம் எங்கும்
அந்தணர் ஆகாசத்தவர்
அங்கிருந்தே ஆசிகூற
அலட்டலில்லா அடக்கத்துடன்
அம்பு போல் கிளம்பினான் ஆஞ்சனேயன்!

கடலோடி: (தொடர்ச்சி….)

பூகம்பம் வந்ததோ
பூதங்கள் கிளம்பியதோ
பூமியின் தருணம் முடிந்ததோ
புரியாது கலங்கியது கானகம்
புரட்டிப்போட்டு தொடங்கினான்
புன்முறுவலுடன் அவன் காரியத்தை

கடலோடி: (தொடர்ச்சி….)

ஜாம்பவான் தூண்ட அனுமன்
ஜயம் மட்டுமே கொள்ள
ஜலக்கடலை தாண்ட
ஜாஸ்தி யோசிக்காது ஒப்பினான்
பசுங்கூட்டத்து தலையாம் காளை
பலர் வியக்க தலைநிமிர்ந்தான் அவ்வேளை
பர்வதத்தின் மேல் நடை பழகினான்
பாயப்போகும் கடல் நோக்கி மனங்குவித்தான்
பக்ஷிகள் மிருகம் மதயானை வலம்வர
பம்பரமாய் சுற்றினான் ராமனை நினைத்து
மலைநடுங்க கால் அமுக்கி
மரங்களாடி மலர்ச்சொரிய
மணம் வீசி மன் அதிர
மனிதன் மிருகம் தான் நடுங்க
மலைக்காது மஹாசக்தியுடன்
மிரட்டலாய் கிளம்பினான் கடலோடி

கடலோடி: (தொடர்ச்சி….)

சுந்தரகாண்டத்தின் பொருள் உணர்ந்தோர்
சுவையொடு வாழ்வின் அழகுணர்ந்தோர்
சீடனேயாயினும் ஆண்டவன்
சீண்டிப்பார்த்தே சீர்திருத்துவான்
சடமான உள்ளங்கட்கும்
சித்தம் விளக்கும் சுந்தரகாண்டம்
சலனமில்லா மனங்கொடுக்கும்
சாந்தமும் சுகமும் பெரிது வளரும்
சகலகலா வல்லவன் சடையனின் அவதாரம்
சகலமும் அவனே இதில் வானரனே!

கடலோடி:(ஆஞ்சனேயர் கடலை கடப்பது)

பக்தனுக்கு பதம் உணர்த்த
பதிவிரதை பாதம் பதிக்க
பலமாய் தோன்றினர்
பக்தனாய் அனுமன் பாவையாய் இலக்குமி
பூட்டிய மாடுபின்னே செல்லும் வண்டிபோல
பூட்டாத மனம்பின்னே பூதவுடல் செல்லும்
பவ்வியமாய் மனஞ்சென்றான் முன்னே அனுமன்
பயமில்லா பின் உடல் சென்றான் கடல்மேலே

முன்னுரை

சுகமே வாழ்வு சுகமே வளமை
சுகமே வெற்றி சுகமே நிச்சயம்
சுறுசுறுப்பை ஏற்று மனஞ்சுருங்காது
சுவையாய் சுகம் உரைப்பான் அனுமன்
சுப்பிரபாதம் எப்பாரதமும் வாழ்த்தும்
சுகம் சுந்தர காண்டமோ யாவர்க்கும் வாழ்வுயர்த்தும்

கைலாதிபதி

கையிலைக்கு மனஞ்சென்றால்
கணக்கில்லா இரகசியமாம்
காணவும் கண்கோடி வேண்டும்
காற்றினிலும் கலக்க வேண்டும்
காணப்பெறா பேரருளாய்
கண்முன்னே நிற்பான்
காளியும் கங்கையுமே கண்ட அவனை
கல்லாதவனும் காணுவான்
கல்லில் காற்றில் கரையில் கண்டு
கடைத்தேறுவாய் மனமே வாழ்வை